გამოქვეყნებულია: 12 ოქტომბერი, 2008 - 16:04
თელიანის მიკროზონაში მოწეული საფერავიდან შექმნილი ეს ვარდისფერი ღვინო იმედია ახალი ხანის დასაწყისი იქნება ქართულ მეღვინეობაში ("თელავის მარნის" როზესთან ერთად). საქართველოში შეიქმნა ორი იდეალური საზაფხულო ღვინო, რომელიც კარგად გაციებულიც შეიძლება მიირთვათ, აპერიტივზეც და დიჯესტივზეც. თელიანის როზე ღია ალუბლისფერია, გრეიპფრუტის, მჟავე ხილის, ტყლაპის, წითელი კენკრის ტონებით, ხაზგასმით მოჩანს მარწყვისა და ჟოლოს გემო. ღვინო ძალზე სასიამოვნო სიმჟავით ხასიათდება. ზომიერად სხეულიანი და მშრალია.
მიაყოლეთ ცივ ხორციან საუზმეს (თხლად დაჭრილი საქონლის ენა, მოხარშული ბურვაკი, ძეხვი), პაშტეტს, შემწვარ ქათამს, პიცას, მოშუშულ ბოსტნეულს.
მალხაზ ხარბედია
© „მარანი“
თემა:
ბეჭდვა
თქვენი კომენტარი