გამოქვეყნებულია: 1 ოქტომბერი, 2011 - 13:06
15.00 ლარი
ეს ღვინო იმ იშვიათი იმერული ღვინოების რიცხვს მიეკუთვნება, რომელიც ქართული ღვინის მაღაზიებში გამოჩნდა. თერჯოლის რაიონის სოფელ ნახშირღელეში მოყვანილი ცოლიკოურიდან (70%) და ციცქადან (30%) დაყენებული ღვინოა. მოოქროსფერო ჩალისფერი, სავსე გემოთი, გამჭოლი მჟავიანობით და ხანგრძლივი დაბოლოებით. ღვინო ჭურშია დაყენებული ტრადიციული იმერული წესით. ხასიათდება კომშისა და მწიფე ყვითელი ტყემლის ტონებით, საუკეთესო მისაყოლებელია დაბუღული თევზი, სალათები და იმერული ყველები, ჭყინტიც და დავარგებულიც.
© ღვინის კლუბი/Weekend
თემა:
ბეჭდვა
სამწუხაროდ ცოლიკოური–ციცქის ბოთლის ფოტო არ გვქონდა. მხოლოდ ციცქა–ცოლიკოურის, რომლის დახასიათებაც ოქტომბრის ბოლოს დაიდება. იმედია არ დაიბნევით, ნიკოლაძეების მარანი აწარმოებს ორნაირ ღვინოს, ციცქა–ცოლიკოურსა და ცოლიკოურ–ციცქას.
მაგ. ბახტრიონის ქუჩაზე, ქართული ღვინის კულტურის ცენტრში, ასევე მაჩაბლის 16–ში, ღვინის კლუბ შალ–ში