ხრაშუნა მაჭკატები ნაზი გულსართით

საჭირო მასალა: 100 მლ წყალი, 1,5 ჭიქა ფქვილი, 2 ს.კ. არაყი, 1 ჩ.კ. მარილი, 150 გ მაგარი ყველი, 100 გ ხაჭო, 1 კონა კამა და ოხრახუში, ზეთი - შესაწვავად.

მომზადება: ფქვილი, წყალი, მარილი და არაყი ავურიოთ  და მოვზილოთ ელასტიკური ცომი. შესაძლოა ოდნავ მეტი ან ნაკლები წყალი დაჭირდეს და ამიტომ ნელ-ნელა დავამატოთ. ცალკე თასში შევურიოთ გახეხილი ყველი, ხაჭო და დაკეპილი მწვანილი. ცომი გავაბრტყელოთ თხელ, მოგრძო ნაჭრებად. ზედ მოვათავსოთ გულსართი, შევუკრათ კიდეები და სპირალივით დავახვიოთ. მივიღებთ წრიული ფორმის მაჭკატს. შემდეგ გავაბრტყელოთ და გაცხელებულ ზეთში შევწვათ.

© ღვინის კლუბი/Weekend