გამოქვეყნებულია: 12 მარტი, 2009 - 19:54
ქვეყანაში შექმნილმა ეკონომიკურმა კრიზისმა "ქინძმარაულის მარანის" წარმომადგენლებს ფასების შემცირება გადააწყვეტინა. ძირითადად, ეს შედარებით ძვირიან ღვინოებს ეხება, რომელზეც დღესდღეობით მოთხოვნა შემცირებულია. საექსპორტო პროდუქციის ღირებულებამ უკვე 15%-ით იკლო და უახლოეს მომავალში ეს პროცესი ადგილობრივ ბაზარსაც შეეხება. ამ ეტაპზე "ქინძმარაული მარანის" პროდუქციის ფასი, საშუალოდ, 5-17 ლარია.
კომპანია "ქინძმარაულის მარანი" 2000 წელს დაარსდა. პირველი მოსავალი საკუთარი ვენახებიდან 2005-ში მიიღო. დღეისათვის წარმოებული პროდუქციის სია 12 დასახელების მაღალხარისხოვანი ღვინოს ითვლის, რომელთაგან სამი – წითელი მშრალი "კახური სამეფო," თეთრი მშრალი "კახური სამეფო" და წითელი ბუნებრივად ნახევრად ტკბილი - "ქინძმარაული ორიგინალი" მათი ექსკლუზიური ბრენდია.
საექსპორტო ბაზარზე არსებული რთული ვითარების მიუხედავად, კომპანია ექსპორტის გაზრდას აპირებს და იაპონიაში, პოლონეთში, უკრაინასა და აზერბაიჯანში 200-ის ნაცვლად 300 ათას ბოთლი ღვინის გატანას გეგმავს.
© მადიანი/vinoge.com
ბეჭდვა
თქვენი კომენტარი