რესტორანი მატარებელში, ოფიციანტი კი რესტორანში ჩვეულებრივი და ბანალური ამბავია, ამიტომ პრაღაში მდებარე ლუდის რესტორან Vytopna-ში გადაწყვიტეს, კლიენტებს ორიგინალურად გამასპინძლებოდნენ და მიზანსაც მიაღწიეს. საქმე ისაა, რომ შეკვეთილი მენიუ კლიენტთან სპეციალურად დამონტაჟებული მატარებლის საშუალებით მიდის. 400 მეტრი სიგრძის მინიატურული რკინიგზა, რომელიც გვირაბებით, ხიდებით, ტყეებითა და გუბურებითაა გაფორმებული, 780 ათას დოლარზე მეტი ღირს. შემადგენლობა სადგურებზე - კლიენტების მაგიდებთან ჩერდება და ტვირთი - შეკვეთილი საჭმელი-სასმელი გადააქვს. რაც შეეხება ფასს, ის რესტორანში საკმაოდ დემოკრატიულია - სადილი დაახლოებით 20-30 დოლარის ფარგლებში მერყეობს, მენიუში კი ჩეხური და მსოფლიო სამზარეულოს კერძები შედის: წვნიანები, შემწვარი ბატი, გრილზე შემწვარი ორაგული, ღორის ნეკნები, ბიფშტექსი, აგრეთვე ვეგეტარიანული კერძები, სხვადასხვა სახის დესერტი და სხვ. ღაც შეეხება სასმელს, გარდა ტრადიციული ჩეხური ლუდისა, აქ შეგიძლიათ შეუკვეთოთ ღვინო, შამპანური, ვისკი, არაყი და კოქტეილები. მინიატურული რკინიგზის წყალობით რესტორანი Vytopna უდიდესი პოპულარობით სარგებლობს როგორც პრაღელებს, ისე ტურისტებს შორის.
© ღვინის კლუბი/Weekend
ბეჭდვა
თქვენი კომენტარი