ესპანეთში ხუთი ათასამდე მარანია მოწყობილი, მაგრამ ასობით მათგანი უკვე გასაყიდად არის გამზადებული. ამ ძვირფასი მარნების განახევრებული ფასით უკვე დაინტერესდნენ რუსი, ჩინელი და ლიბანელი ინვესტორები. გასაყიდად გამოტანილი ზოგი მარანი რამდენიმესაუკუნოვან შენობაშია განთავსებული, ისინი ასეულობით ჰექტარზე გადაჭიმული ვენახებით, მდიდრული სასტუმროებით, წყალსამკურნალოებით და სხვა სიკეთეებით არის აღჭურვილი. გარდა ამისა, ამ მარნებს საექსპორტო გზა უკვე გაჭრილი აქვთ ისეთ ქვეყნებთან, როგორიც არის, მაგალითად, ჩინეთი. ესპანური ღვინის კომპანია Matarromera-ს პრეზიდენტი კარლოს მორო აღნიშნავს, რომ ამ მარნების უმრავლესობას ძალზე მწირი საწარმოო კაპიტალი ჰქონდა. ზოგი მფლობელი სათანადო დროსა და ყურადღებას არ უთმობდა მარნებს, მეღვინეობა კი ძალიან დიდ სახსრებს, შრომას, ზრუნვას და ბაზრისთვის თვალყურის დევნებას მოითხოვს.
© ღვინის კლუბი/Weekend
ბეჭდვა
თქვენი კომენტარი