გამოქვეყნებულია: 7 მაისი, 2009 - 01:10
ბრიუსელის ღვინის პრესტიჟული კონკურსი Concours Mondial de Bruxelles კიდევ ერთი ქართული კომპანიისთვის გამოდგა წარმატებული. წარმომადგენლობითმა ჟიურიმ კომპანია "ბადაგონის" ღვინოებს 2 ოქროს მედალი მიანიჭა. უმაღლესი შეფასება "კახურმა" წარჩინებულმა" (თეთრი მშრალი) და "ტრიონმა" (თეთრი მშრალი) დაიმსახურეს.
კომპანია "ბადაგონი" ბრიუსელის ამ პრესტიჟულ კონკურსზე შარშანაც მონაწილეობდა და ოქროს მედალიც მოიპოვა. ამ ჯილდოთი წითელი "კახური წარჩინებული" დააჯილდოვეს.
შეგახსენებთ, რომ ღვინის სამყაროში სახელგანთქმული Concours Mondial de Bruxelles ყოველწლიურად სხვადასხვა ქვეყანაში ტარდება. წელს მას ესპანეთმა, კონკრეტულად კი ვალენსიამ უმასპინძლა. კონკურსში 54 ქვეყნის 6 ათასი კომპანია მონაწილეობდა. კომპეტენტური ჟიური ღვინოს სამი დღის განმავლობაში აგემოვნებდა, შედეგები კი გუშინ გახდა ცნობილი.
რაც შეეხება საქართველოს, კომპანიამ უკვე დაიწყო აქცია, რომელიც 7 სახეობის ღვინოზე ფასების 50%-ით გაიაფებას ითვალისწინებს. "ბადაგონის" მენეჯმენტის განცხადებით, ეს ღონისძიება გაყიდვების გაზრდის მიზნით ხორციელდება და პროდუქციის ხარისხზე არ იმოქმედებს. აქცია წლის ბოლომდე გაგრძელდება.
© მადიანი/vinoge.com
ბეჭდვა
თქვენი კომენტარი