სტატია გამოქვეყნდა: საოჯახო ცნობები [დიდი ვენახები ფრანციაში (საფრანგეთის ქვეყანა), შედარება კახეთის ვენახებსა და ღვინოსთან] // გაზ. „კავკასია“ – ტფ. 1868. №19. – გვ. 8. სტატია იბეჭდება სრულად.
ყურძენს რა რიგათ არგებს გოგირდი. ფრანციაში (საფრანგეთის ქვეყანაა) დიდი ვენახები აქვთ სამხრეთის მხარესა და საუკეთესო ღვინოები იქიდამ მოჰყავთ. როგორც ჩვენ მხარეში კახეთია ღვინის დედა მხარე, ისეც ფრანციაში სამხრეთის ადგილები იმათი კახეთია. დიდი გამართულობა. აქეთ, დიდი ვენახები, ზვრები, მარნები და მთელ დედამიწის ზურგზე ადგილი არ იქნება, რომ იქაური ღვინო არ მიდიოდეს. იქაური ღვინო ჩვენშიაც კი მოდის, მეტადრე შამპანიის ღვინო, შამპანცკის რომ ეძახიან, აი ის ღვინო. ეს შამპანური ღვინო მილიონებს აძლევს იმის მომყვანებსა. იმ ადგილებში უცდიათ გოგირდი შეუყრიათ ზედ ვაზზე და ყურძნის მტევნებზე მანამ ნაცარი არ მოსვლია და ყურძენი უფრო დიდ მარცვლიანი მოსულა და მალეც შემოსულა, ორ კვირაზე მომწიფებულა, ყურძენი არ გაფუჭებულა და ფოთოლიც უფრო გამწვანებულა. ამასთან უცდიათ და მრთელ წაუხდენელ ვაზისთვის დაუყრიათ გოგირდი და უნახავთ, რომ რვა დღეზე ისე შეცვლილა ვაზი, რომ კაცი ვეღარ იცნობდაო. გოგირდს ყვავილის მოსვლის დროსაც ძალიან უშველია და ყვავილი არ გაფუჭებულა, და როგორცა ვთქვით ორი კვირით უფრო ადრე მომწიფებულა, მტევანი და მარცვალი უფრო გაკეთებულა.
მასალა მოგვაწოდა ორგანიზაცია Nova societas–მა
ბეჭდვა
თქვენი კომენტარი