ბუნებრივი ღვინის ფესტივალი "ამერიმერი" ქუთაისში

16 დეკემბერს ქუთაისი ბუნებრივი ღვინის ფესტივალს "ამერიმერი"-ს უმასპინძლებს.  ფესტივალის ორგანიზატორი ასოციაცია ბუნებრივი ღვინოა.

"ამერიმერი" სტუმრებს საქართველოს სხვადასხვა კუთხის საუკეთესო  ღვინოებს დაახვედრებს. ფესტივალში ასოციაცია ბუნებრივი ღვინის წევრი 50-მდე მცირე მარანი მონაწილეობს: მაკარიძის მარანი, მათიაშვილის მარანი, ლაგაზი, დიმნას მარანი, გაიოზ სოფრომაძის მარანი, Lapati Wines, იბერიელი, საქველმოქმედო კავშირი თემი, ეთნო, დასაბამი, Gotsa Wines, არჩილ გუნიავას მარანი, კახა ბერიშვილის მარანი, ანთაძეების მარანი, ალაფიანის მარანი, ამირან ვეფხვაძის მარანი, ნიკალას მარანი, ნიკოლაძეების მარანი და სხვა. სტუმრებს საშუალება ექნებათ შეხვდნენ მეღვინეებს, დააგემოვნონ და შეიძინონ მათი იშვიათი ღვინოები, ისიამოვნონ და აღმოაჩინონ ახალი გემოები.

ფესტივალი ჩატარდება სასტუმრო "რჩეული"-ში, (მისამართი გრიგოლ ხანძთელის 21ბ), 1 დან 6 საათამდე. 

© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი