43.00 ლარი
ტრადიციული წესით, ქვევრშია ჩაწურული და დადუღებული ეს საფერავი, თუმცა შემდეგ 6 თვე გაატარა მუხის კასრებში. გემრიელი, სავსე ღვინოა, მუხის ნაზი კვალითა და ვანილის ძალიან მსუბუქი არომატით. ძირითადად წითელი მწიფე ხილისა და წიწაკის სურნელები ახასიათებს. კარგი მისაყოლებელი იქნება სუკის მწვადებთან, კეცზე შემწვარ ხბოს ხორცთან.
2012 წლის სექტემბრის დახასიათება
ეს ქვევრის საფერავი იმით განსხვავდება ბევრი სხვა ქვევრის საფერავისგან, რომ 1 წელი მუხის კასრებში გაატარა. ძალიან ინტენსიური შეფერვისაა, სურნელებში კენკრა იგრძნობა - კუნელი, შავი მოცხარი და გადამწიფებული შინდი, თუმცა მუხა ყველაზე მეტად მოჩანს. ძალზე სხეულიანი და ძლიერი ღვინოა, ხორციანი ტანინებით. ღვინო კარგი იქნება შებოლილ ძეხვებთან, გრილზე შემწვარ ნედლ ძეხვეულთან.
© ღვინის კლუბი/Weekend
ბეჭდვა
თქვენი კომენტარი