საფერავი, თბილღვინო, განსაკუთრებული მარაგი, 2003

დაწურულია გურჯაანის რაიონის სხვადასხვა მიკროზონაში მოწეული საფერავის ჯიშის მაღალხარისხიანი ყურძნიდან. ღვინის მუხის კასრში გადატანა დასაძველებლად ხდება ფერმენტაციის ბოლო ეტაპზე. ღვინო მხოლოდ მცირე გაფილტვრას გადის, რის გამოც იგი საკმაოდ სხეულიანი დგება, ხავერდოვანი ტანინებით, შენახვის დიდი პოტენციალით. ღვინო ძოწისფერია, ხასიათდება გადამწიფებული შავი ხილის, ზღმარტლის, შავქლიავის ტონებით, დაკრავს კვამლის სურნელიც.

12 თვე მუხაში დაძველებული “საფერავი” კარგია შებოლილ სულგუნთან, ნაკვერჩხალში შემწვარ კარტოფილთან, წითელ ღვინოში მომზადებულ მამლის ყალიასთან, შემწვარ კურდღელთან, ასევე ნანადირევთან (ტყის ქათამი, კაკაბი, ხოხობი). მოტაფულ ღორის ხორცთან, ჩალაღაჯთან, ღორის წკეპლებთან. ღვინო ასევე კარგი მეწყვილეა ხორციანი სალათებისთვის (განსაკუთრებით ბეკონიან სალათებთან).

მალხაზ ხარბედია

© „მარანი“