გამოქვეყნებულია: 14 ოქტომბერი, 2010 - 13:29
ქართულ ბაზარზე არსებულ კახურად დაყენებულ ღვინოებს შორის ერთ-ერთი ყველაზე გამორჩეულია. ფერზე ჩაისფერია, შესანიშნავი გარეგნობის, სურნელებში აუცილებლად იგრძნობთ ჩახარშული კომშის, ნიგვზისა და ბზის სურნელებს. დეკანტირების შემდეგ ღვინო გაცილებით უფრო ღმა და მრავალფეროვანი ხდება. ეს კახური ნიმუში კარგადაა დაბალანსებული, აქვს ხანგრძლივი დაბოლოება. საკმაოდ სხეულიანია, ხავერდოვანი ტანინებითა და საინტერესო გემოთი. ჩამოსხმული ღვინის შეზღუდული რაოდენობა, სულ 5200 ბოთლი. ეს ღვინო დასავარგებლადაც კარგი იქნება და შესაძლოა 3-4 წელიწადში კიდევ უფრო დაიხვეწოს. მიაყოლეთ ქართულ ტრადიციულ კერძებს, ჩაქაფულს, ჩანახს, ხაშლამას, გუდის ყველს.
© ღვინის კლუბი/“Weekend“
თემა:
ბეჭდვა
