დიზაინერები ვიქტორ ჰორსტინგი და როლფ სნოერენი კარგად არიან ცნობილნი მოდისა და პარფიუმერიის სამყაროში სახელგანთქმული მარკით Viktor & Rolf. ღვინის სახლ Piper-Heidsieck-ში, რომელიც უკვე ორ საუკუნეს ითვლის, კლასიკური შამპანურის დიზაინის შესაცვლელად და ექსტრავაგანტული ელემენტების შესატანად მიიწვიეს "ვიქტორ&როლფი". თანამშრომლობამ გაამართლა და ერთობლივმა პროექტმა მართლაც განაცვიფრა დამსწრე საზოგადოება.
"როცა ხარისხში ხარ დარწმუნებული, თავისუფლება უფრო მეტია" - აღნიშნეს დიზაინერებმა. განახლებისა და სხვადასხვა სტილის აღრევის ვირტუოზებმა ავანგარდისტული წვლილი აქაც შეიტანეს: საერთოდ შეცვალეს ფორმები - გადმოაბრუნეს ბოთლი, ფუჟერი და ყინულის ჭურჭელი; შეცვალეს პროპორციები - დიდი საცობი და ვიწრო ფსკერი.
ამ თანამშრომლობას შემდგომი გაგრძელებაც მოჰყვა. დიზაინერმა ჟან-პოლ გოტიემ "შემოსა" შამპანურის ბოთლი შავზონრიანი კორსეტით. შამპანურის ამ პარტიას უწოდეს Piper-Heidsieck Special Cuvee Jean Paul Gaultier.
© „მარანი“
ბეჭდვა
თქვენი კომენტარი