გამოქვეყნებულია: 12 სექტემბერი, 2009 - 18:12
ხელისუფლება გლეხებს ყურძნის მაღალ ფასს პირდება
რაჭაში უამინდობის გამო რთველი ერთი თვის დაგვიანებით – ოქტომბერში დაიწყება. როგორც რეგიონის სამხარეო ადმინისტრაციაში აცხადებენ, წელს ღვინის ქარხნები წინასწარი ინფორმაციით 1000 ტონაზე მეტ ყურძენს ჩაიბარებენ.
აქედან 600 ტონა „ხვანჭკარის“ დასამზადებელი ყურძნის ჯიშები იქნება. წლევანდელი რთველისთვის რაჭაში ყურძნის ჩასაბარებელი 7 ახალი პუნქტი გაიხსნება. ამ დროისთვის კი რეგიონის მაშტაბით 5 ქარხანა მუშაობს.
სამხარეო ადმინისტრაციაში აცხადებენ, რომ წლევანდელი მოსავალი შარშანდელზე მაღალი ხარისხისაა და სავარაუდოდ ფასიც მაღალი იქნება. თუმცა, რა ფასად ჩაიბარებენ რაჭაში ქარხნები ყურძენს, ამ ეტაპზე არ კონკრეტდება. შეგახსენებთ, შარშან კილოგრამი ყურძენი რაჭაში 3 ლარი ღირდა.
რადიო "კომერსანტი"
ბეჭდვა
სავარაუდოდ, ალბათ ერთ კვირაში. ზუსტად ძნელი სათქმელია.
თქვენი კომენტარი