Daejeon International Wine Expo 2023 სამხრეთ კორეის ქალაქ დეჯეონში უკვე წლებია რაც იმართება. ფესტივალი 1969 წელს კორეაში პირველად მოყვანილი ვაზისა და ღვინის წარმოების აღსანიშნავად დაარსდა. აქ ყოველ წელს 10 000-მდე სხვადასხვა ღვინოს ნახავთ. გამოფენა მასპინძლობს Asian Wine Trophy-ს, ღვინის ფართომასშტაბიან დეგუსტაციებს და აზიის ღვინის მყიდველთა კონფერენციას, რომელშიც აღიარებული ღვინის ექსპერტები მონაწილეობენ. საქართველო კი წელს Daejeon International Wine Expo-ზე 3-დან 10 სექტემბრამდე საპატიო სტუმარი ქვეყანა იქნება. ღონისძიებაში ქვეყნიდან 15-ზე მეტი მწარმოებელი მიიღებს მონაწილეობას, რაც მას Daejeon International Wine Expo-ს ისტორიაში ყველაზე დიდ დელეგაციად აქცევს.
ქართველმა მწარმოებლებმა Daejeon-ის გამოფენაში პირველად მონაწილეობა 2021 წელს, პანდემიის ფონზე მიიღეს. საქართველოს ელჩმა სამხრეთ კორეაში, თარაშ პაპასქუამ განაცხადა, რომ უზარმაზარი პატივი და პრივილეგიაა წლევანდელ ფესტივალზე საპატიო ქვეყნად არჩევა: “ეს ჩვენთვის განსაკუთრებული შემთხვევაა, რადგან ხელს უწყობს ჩვენს დიდ ძალისხმევას, კორეაში ქართული ღვინის შესახებ ცნობადობა ავამაღლოთ და მათ ჩვენი 8000 წლიანი მეღვინეობის უწყვეტი ტრადიცია უფრო უკეთ გავაცნოთ.” - აღნიშნავს ელჩი კორეულ მედიასთან დაუბრისას.
როგორც the wine Chronicle-ზე ვკითხულობთ, Daejeon Tourist Organisation-მა, დეჯეონში გამოფენის მთავარმა ორგანიზატორმა კომპანიამ, საქართველოს ღვინის ღვინის ეროვნულ სააგენტოს რეკომენდაცია გაუწია, რომ ProWein-ის გამოფენაზე მარტში გერმანიაშიც საპატიო სტუმარი ქვეყანა ყოფილიყო: “კორეული ბაზარი ჩვენთვის ძალიან დიდი პოტენციალის მატარებელია. ღონისძიებაზე ქვევრის ტექნოლოგიისა და საქართველოს ასე აქტიურად წარდგენა ამ პოტენციალსა და კორეულ ბაზარზე ადგილის დამკვიდრების შანსს კიდევ უფრო ზრდის” - ვკითხულობთ სტატიაში.
Daejeon International Wine EXPO 3-დან 10 სექტემბრამდე გაიმართება. 4 სექტემბრიდან 1 კვირის მანძილზე იქნება სხვა ქვეყნის ღვინოების ფესტივალი, 8 - 10-მდე კი სხვადასხვა ღონისძიება ჩატარდება. მათ შორის სემინარები, დისკუსიები, დეგუსტაციები. შეგახსენებთ, რომ გამოფენა Asia Wine Trophy-ის, აზიაში ყველაზე პოპულარული ღვინის კონკურსის, პარტნიორია.
© ღვინის კლუბი/vinoge.com