2, 3 და 4 თებერვალს, საფრანგეთში, ლუარას ხეობაში, ნატურალური ღვინის ტრადიციული გამოფენა გაიმართა, რომელშიც ქართველმა მეღვინეებმა - რამაზ ნიკოლაძემ და ჯონ ვურდემანმაც მიიღეს მონაწილეობა. ქალაქ ანჟერში მდებარე სასტუმრო Les Pénitentes, რომელიც მეთხუთმეტე საუკუნის ისტორიულ შენობაშია განთავსებული, ამჯერადაც იქცა მთელი მსოფლიოდან ჩასული ღვინის პროფესიონალების თავშეყრის ადგილად.
5-6 თებერვალს ისევ საფრანგეთში, ამჯერად ქალაქ სომურში გამართულ ნატურალური ღვინის ფესტივალში მონაწილეობა მიიღეს: იაგოს ღვინომ, ოქრო ღვინომ, ალაფიანის მარანმა და არჩილ გუნიავას მარანმა.
ასეთ ღონისძიებებში მონაწილეობის მიღება მეტად მნიშვნელოვანია, რადგან მეღვინეები ერთმანეთს უზიარებენ არა მხოლოდ საკუთარ ღვინოს, არამედ აზრებსა და გამოცდილებას, ეს კი დადებითად აისახება მცირე მარნების განვითარებასა და ახალი ბაზრების ათვისებაზე.
© ღვინის კლუბი/vinoge.com
