„ახალი ღვინის ფესტივალი 2022“ წელს 14 მაისს მთაწიმინდის პარკში გაიმართება. ფესტივალს, ტრადიციულად, ღვინის კლუბი უმასპინძლებს. ფესტივალის მხარდამჭერია ღვინის ეროვნული სააგენტო და ქალაქ თბილისის მერია, საინფორმაციო მხარდაჭერას უზრუნველყოფს საიტი „მარანი“ (vinoge.com), ღვინის საინფორმაციო ცენტრი, რადიო უცნობი. ღონისძიების პარტნიორია მთაწმინდის პარკი, ღვინის ბარი ჯი.ვინო/G.Vino, ღვინის მაღაზიათა ქსელი “8000 მოსავალი“, საქართველოს პარლამენტის ეროვნული ბიბლიოთეკა და „ლეპერტი“.
14 მაისს, 11:00-დან 18:00 საათამდე საქართველოს სხვადასხვა კუთხის ღვინის დიდი კომპანიები, საშუალო და მცირე მეღვინეობები, ოჯახური მარნები ფესტივალის სტუმრებს ბოლო მოსავლის (2021 წლის) საუკეთესო ღვინოებს დაახვედრებენ.
როგორც ყოველთვის, ახალი ღვინის ფესტივალზე დასწრება უფასოა.
გთავაზობთ ფესტივალის პროგრამას:
11:00 ფესტივალის დაწყება
11:30 მუსიკა: ნალი ბენდი
12:00 ფესტივალის საზეიმოდ გახსნა, ქვევრის გახსნა, მუსიკა - ანს. ჯეო ფოლკი
12:30 მუსიკა: ნალი ბენდი (ცენტრალური მოედანი, სცენა)
13:10 1 ყუთი ღვინის გათამაშება (ცენტრალური მოედანი, სცენა)
13:15 ახალი ღვინის ფესტივალში მონაწილე ოჯახური მარნების დაჯილდოება
13:30 მუსიკა: ნალი ბენდი (ცენტრალური მოედანი, სცენა)
14:10 1 ყუთი ღვინის გათამაშება (ცენტრალური მოედანი, სცენა)
14:30 მუსიკა: ნალი ბენდი (ცენტრალური მოედანი, სცენა)
15:10 1 ყუთი ღვინის გათამაშება (ცენტრალური მოედანი, სცენა)
15:15 ღვინის კლუბის ჯილდო „ელიბო“-ს საზეიმო გადაცემა ღვინის კომპანიებისთვის.
15:30 მუსიკა: ნალი ბენდი (ცენტრალური მოედანი, სცენა)
16:10 1 ყუთი ღვინის გათამაშება (ცენტრალური მოედანი, სცენა)
18:00 ფესტივალის დახურვა.
© ღვინის კლუბი/vinoge.com