რამდენიმე დღის წინ ესპანეთის ქალაქ ალიკანტეში, „ქართული კულტურის დღეების“ ფარგლებში, ქართული ღვინის დეგუსტაცია და პრეზენტაცია - „საქართველო - ღვინის აკვანი“ გაიმართა, რომელსაც ღვინის ეროვნული სააგენტოს მარკეტინგისა და საზოგადოებასთან ურთიერთობის დეპარტამენტის მთავარი სპეციალისტი გიორგი სიხარულიძე უძღვებოდა. დეგუსტაციას სომელიები, იმპორტიორები, სავაჭრო ქსელებისა და მედიის წარმომადგენლები ესწრებოდნენ. მათ სხვადასხვა დასახელების ქართული ღვინო დააგემოვნეს და შეაფასეს.
„ქართული კულტურის დღეები“ ალიკანტეში ადგილობრივი დიასპორული ასოციაცია „საქართველოს რესპუბლიკა და ემიგრანტების“ ინიციატივით ჩატარდა. სხვადასხვა კულტურული ღონისძიება ალიკანტეს საგამოფენო ცენტრ “Plaza Seneca”-ში გაიმართა, რომელსაც ესპანეთში მცხოვრები ქართველი ემიგრანტები და ადგილობრივი მცხოვრებლები დაესწრნენ.
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი