ოქტომბრის ბოლოს ბრაზილიაში OIV–ის ეგიდით ვაზისა და ღვინის 39–ე კონგრესი გაიმართა, სადაც ტრადიციულად წარმოადგინეს ბოლო წლის მანძილზე ვაზისა და ღვინის სფეროში მომხდარი ცვლილებების სტატისტიკური ანგარიში. ღვინის საინფორმაციო ცენტრი მორიგ პუბლიკაციას გთავაზობთ, რომელიც თანამედროვე მსოფლიოში ღვინის მოხმარების სტატისტიკას ეძღვნება.
OIV–ის მონაცემებით 2015 წელს მთელს მსოფლიოში 239 მილიონი ჰექტოლიტრი ღვინო დაილია, რაც 2014 წელზე ნაკლებია, თუმცა უკანასკნელი 6 წლის განმავლობაში სიტუაცია მეტ–ნაკლებად სტაბილურია:
როგორც ხედავთ, ყველაზე გამორჩეული წლები 2007 და 2008 წელი იყო. ფინანსურმა კრიზისმა ერთ წელიწადში (2009) მართალია მკვეთრად შეამცირა ეს ციფრი, მაგრამ, როგორც ვთქვით, საგრძნობი ვარდნები მას შემდეგ აღარ ყოფილა, მხოლოდ მცირედი კლება.
აქ ცხრილში მოხმარების (საერთო რაოდენობის) თვალსაზრისით 13 ლიდერი ქვეყანაა წარმოდგენილი:
ძირითადად, კლება ტრადიციულ მეღვინეობის ქვეყნებშია, საფრანგეთსა და იტალიაშია, ასევე რუსეთშიც, მსოფლიოს ყველაზე დიდ ღვინის ბაზარზე კი, აშშ–ში საგრძნობი მატებაა ბოლო 4 წლის მანძილზე.
ეს კი ღვინის მოხმარების კლების, მატებისა და სტაბილურობის მსოფლიო რუკაა:
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი