ფოტო: foodwineclick.com
The Independent-მა საუკეთესო ნარინჯისფერი ღვინოების ათეულში ორი ქართული ქარვისფერი ქვევრის ღვინო დაასახელა - პირველ ადგილზე თბილღვინოს ქვევრი 2011 (£ 9), მეათეზე კი - რამაზ ნიკოლაძის ცოლიკოური 2013 (£ 21).
გაზეთი საკუთარ მკითხველებს მიაწვდის მცირე ინფორმაციას ქვევრის ტექნოლოგიისა და აღნიშნული ღვინოების მწარმოებელთა შესახებ. ასევე, მოცემულია ელ-რესურსების მისამართები, სადაც ბრიტანელ მომხმარებელს ამ ღვინოების შეძენა შეუძლია.
ღვინოების შერჩევის მთავარი კრიტერიუმი იყო როგორც ღვინის ხარისხი, ასევე - საუკეთესო ფასი.
როგორც ჩანს, independent-ის პუბლიკაციის შემდეგ გაზეთის მიერ რეკომენდებულ ღვინოებზე მოთხოვნა გაიზარდა. ამას მოწმობს ის ფაქტი, რომ ამ მომენტისთვის თბილღვინოს ქვევრი 2011 Marks & Spencer-ის ონლაინ მაღაზიაში მთლიანად გაყიდულია.
© საქართველოს ღვინის კლუბი, ღვინის საინფორმაციო ცენტრი