ათენში, ერთ-ერთი სახლის მშენებლობისას აღმოჩენილი თასი, შესაძლოა, ლეგენდარულ პერიკლეს ეკუთვნოდა. ასეთ დასკვნამდე მივიდნენ არქეოლოგები, რომლებმაც გულდასმით შეისწავლეს თასის ნამსხვრევები და გაშიფრეს მასზე დატანილი წარწერები. თასზე სულ 6 სახელი აწერია. სახელურზე იკითხება ,,პერიკლე", გარდა ამისა, თასზე პერიკლეს ძმის - არიფრონის - სახელიც წერია, რაც მაშინ საკმაოდ იშვიათი სახელი იყო და სწორედ ეს აფიქრებინებს არქეოლოგებს, რომ თასი პერიკლეს ეკუთვნოდა. სპეციალისტთა აზრით, დაახლოებით 2500 წლის წინ გამართულ ერთ-ერთ ნადიმზე 6 მეგობარიც ილხენდა და მათ ერთ-ერთ თასზე წააწერეს თავიანთი სახელები. ათენის დემოკრატიის ერთ-ერთი ფუძემდებელი, გამოჩენილი სახელმწიფო მოღვაწე, ორატორი და მხედართმთავარი პერიკლე მაშინ სულ რაღაც 20 წლის თუ იქნებოდა.
© ღვინის კლუბი /Weekend