საჭირო მასალა: 500 გ მოხარშული კარტოფილი, 1 ცალი კვერცხი, 1 დიდი კონა სხვადასხვა მწვანილი (ქინძი, ოხრახუში, წიწმატი, რეჰანი, ქონდარი, ტარხუნა, მჟაუნა და სხვა), 1 ს.კ. ზეითუნის ზეთი, 125 გ ნადუღი, 1-2 ს.კ. აჯიკა, მარილი – გემოვნებით.
მომზადება: კვერცხის ცილა და გული გავაცალკევოთ. მწვანილი ძალიან წვრილად დავჭრათ, ავურიოთ კვერცხის ცილა, მარილი, პილპილი და ჩანგლით ავთქვიფოთ. კარტოფილი საშუალო ზომის რგოლებად დავჭრათ, ავურიოთ მწვანილისა და ცილის მასა. 18 სმ დიამეტრის ფორმაში ჩავაფინოთ საცხობი ქაღალდი და მოვათავსოთ მწვანილარეული კარტოფილი. ზემოდან მოვასხათ ცოტა ზეთი და წინასწარ 180 გრადუსზე გახურებულ ღუმელში გამოვაცხოთ დაახლოებით 30 წუთის განმავლობაში. სანამ ტარტი მომზადდება, ნადუღი და აჯიკა ავურიოთ და ტარტთან ერთად მივირთვათ.
© ღვინის კლუბი /Weekend