საჭირო მასალა: 4 ცალი ქათმის ფილე, 4 ნაჭერი ლორი, 4 ნაჭერი ყველი, 2 ს.კ. გახეხილი პარმეზანი, 0.5 ჩ.კ. მშრალი თავშავა, 0.5 ჭიქა საფანელი, 2 კბილი ნიორი, 1.5 ჩ.კ. პაპრიკა, 3 ს.კ. კარაქი, მარილი, პილპილი - გემოვნებით.
მომზადება: ფილე ღრმად ჩავჭრათ და გადავხსნათ, გადავაფაროთ ცელოფანი და დავბეგვოთ. ავურიოთ თავშავა, მარილი, პილპილი და მოვათავსოთ დაბეგვილ ხორცზე. ფილეს ერთ მხარეს დავაწყოთ ლორი და ყველი და რულეტივით გადავახვიოთ. დავამაგროთ კბილის ჩხირებით. ჯამში ავურიოთ პარმეზანი, ნიორი, საფანელი და პაპრიკა. კარაქი გავადნოთ. რულეტები ამოვავლოთ კარაქში, შემდეგ საფანელის ნაზავში, მოვათავსოთ თუნუქის ფურცელზე და გამოვაცხოთ 200 გრადუს ტემპერატურაზე გახურებულ ღუმელში 30 წუთის განმავლობაში.
© ღვინის კლუბი/Weekend