საჭირო მასალა: 100 გ შებოლილი ორაგულის ნაჭერი, 0,5 ლიმონი, 700 მლ ბოსტნეულის ბულიონი, 2 პატარა ხახვი, 1 ს.კ. ერბო, 250 გ რიზოტოს ბრინჯი, 300 მლ შამპანური, გახეხილი პარმეზანი, მწვანე ხახვი – მოსაყრელად, მარილი, პილპილი – გემოვნებით, ცოტა ზეითუნის ზეთი.
მომზადება: ორაგული თხლად დავჭრათ, დავაწუროთ ლიმონი და მოვასხათ ზეთი. ბულიონი შევათბოთ. ხახვი წვრილად დავჭრათ. სქელძირიან ქვაბში გავადნოთ ერბო, დავუმატოთ წვრილად დაჭრილი ხახვი და 1-2 წუთი ვშუშოთ, სანამ გამჭვირვალე არ გახდება, დავასხათ 100 მლ შამპანური, ჩავუმატოთ ბრინჯი და ვაცადოთ ადუღება. შემდეგ მონაცვლეობით ვასხათ ბულიონი და შამპანური. ვადუღოთ დაბალ ტემპერატურაზე, სანამ ბრინჯი არ მომზადდება. ბრინჯს შევურიოთ გახეხილი პარმეზანი, ამოვურიოთ და გადმოვდგათ ცეცხლიდან. ბრინჯი ორაგულსა და მწვანე ხახვთან ერთად მივიტანოთ სუფრაზე.
© ღვინის კლუბი/Weekend