საჭირო მასალა: 250 გ მოწალული ისპანახი, 125 გ კარაქი, 250 გ ფქვილი, მწიკვი მარილი, 4 კვერცხი, 100 გ ყველი როკფორი, 150 გ არაჟანი, 150 მლ რძე, მწიკვი პილპილი, 16 ცალი პამიდორი ჩერი, 40 გ კედრის თესლი, ცხიმი ფორმებისათვის.
მომზადება: კარაქი კუბებად დავჭრათ, დავაყაროთ ფქვილი, მარილი, დავახალოთ კვერცხი და მოვზილოთ ცომი. გავახვიოთ ცელოფანში და 20 წუთით მაცივარში მოვათავსოთ. როკფორი პატარა ნაჭრებად დავჭრათ. არაჟანი, კვერცხი და რძე მსუბუქად გავთქვიფოთ, დავაყაროთ მარილი და პილპილი. ავურიოთ გაწურული ისპანახი და დაჭრილი ყველი. ცომი გავაბრტყელოთ, ამოვჭრათ წრეები, მოვათავსოთ საშუალო ზომის ტარტალეტის ფორმებში. ცომზე მოვათავსოთ გულსართი, ზედ გადავანაწილოთ შუა-შუა გაჭრილი პამიდვრები და 40 წუთის განმავლობაში 170-180 გრადუსზე გახურებულ ღუმელში ვაცხოთ. მზა ტარტალეტებს მოვაყაროთ მოხალული კედრის თესლი.
© ღვინის კლუბი/Weekend