ფრანგულმა ჟურნალმა La Revue du Vin de France-მა განცხადება გაავრცელა დეგუსტაციის პირველი მსოფლიო ჩემპიონატის ჩატარების შესახებ. აქამდე ამ ტიპის, ოღონდ უფრო მცირე მასშტაბების – საფრანგეთისა და ევროპის ჩემპიონატები, უკვე 2008 წლიდან ტარდებოდა. მსოფლიოს პირველ ჩემპიონატში მონაწილეობას მიიღებს დაახლოებით 20 გუნდი მსოფლიოს სხვადასხვა ქვეყნიდან. მათ ბრმა დეგუსტაციისთვის შესთავაზებენ პლანეტის 12 სახელგანთქმულ ღვინოს. უკვე ცნობილია ჩემპიონატის ჩატარების დრო და ადგილი – ის შედგება 2013 წლის 12 ოქტომბერს, ლეონიანში მდებარე ციხესიმაგრე Larrivet Haut-Brion-ში. ღონისძიების სპონსორთა შორის არიან: შამპანურის სახლიBollinger, კომპანია Chef & Sommelier და მარკეტინგული ორგანიზაცია Valade & Transandine, რომელიც პესაკ-ლეონიანის ღვინოების გაყიდვებს უწყობს ხელს და თვით Château Larrivet Haut-Brion.
© ღვინის კლუბი/Weekend