საჭირო მასალა: 175 გ კარაქი, 175 გ შაქარი, 3 კვერცხი, 175 გ ფქვილი, 1 ჩ.კ. გამაფხვიერებელი, 1 ჩ. კ. დაფქული დარიჩინი, 75 გ ფინიკი, 75 გ ლეღვის ჩირი, 75 გ გარგარის ჩირი, 75 გ ნუში, 2 ს.კ. ფორთოხლის ცედრა, 2 ს.კ. დაკონსერვებული ალუბალი, 100 მლ ბრენდი, მარილი - გემოვნებით, კარაქი - ფორმაზე წასასმელად.
მომზადება: პუდინგის მომზადებამდე რამდენიმე დღით ადრე ლეღვის ჩირი ჩავალბოთ ბრენდში. შემდეგ ლეღვის ჩირი, ფინიკი და გარგარის ჩირი დავჭრათ და ავურიოთ ალუბალი და დაფქული ნუში. კარაქი გავთქვიფოთ ფორთოხლის ცედრასთან ერთად და ნელ-ნელა შევათქვიფოთ კვერცხი. ფქვილს ავურიოთ გამაფხვიერებელი, მარილი, დარიჩინი და ორივე მასა შევაერთოთ. ცომი მოვათავსოთ ცხიმწასმულ საცხობ ფორმაში, ზემოდან დავაფაროთ გამოსაცხობი ქაღალდი და ფოლგა. ღრმა ქვაბში ჩავასხათ წყალი, გავაცხელოთ, ჩავდგათ შიგ ფორმა ისე, რომ წყალი ნახევრამდე მოადგეს, ქვაბს დავახუროთ და დაბალ ცეცხლზე გავაჩეროთ 4.5 საათი. დროდადრო ვამოწმოთ წყლის დონე და საჭიროების მიხედვით დავამატოთ ცხელი წყალი. მზა პუდინგი სუფრასთან მივიტანოთ ცხელი, ბრენდთან ერთად.
© ღვინის კლუბი/Weekend