რას იტყოდით დილიდან მცირეოდენ ლუდზე, მაგრამ არა უბრალო, არამედ კოფეინიან ლუდზე? სწორედ ასეთი სასმელი შექმნეს ბრიტანული კომპანია Fordham and Dominion Brewing Company-ის სპეციალისტებმა. ლუდი Morning Glory ანუ “დილის ნათება” 9-გრადუსიან პორტერს წარმოადგენს. მის დასამზადებლად რობუსტას ჯიშის ყავის მოხალული მარცვლები და ხორბლის ალაო გამოიყენება. სვია კოფეინიან ლუდს მისთვის აუცილებელ მომწარო გემოსა და ხილის ნოტებს მატებს. სასმელი ესპრესოსა და შოკოლადის არომატით ხასიათდება. Fordham and Dominion Brewing Company-ის სპეციალისტი უოლტერ ტრიფარის თქმით, ამ ლუდის შექმნის პროცესში ისინი აქტიურად თანამშრობლობდნენ ყავის დამამზადებელ ადგილობრივ კომპანიასთან, რათა დარწმუნებულიყვნენ, რომ მათი ლუდისთვის განკუთვნილი ყავის მარცვლები კარგად იქნებოდა მოხალული. “ჩვენმა მცდელობამ ნაყოფი გამოიღო და საოცრად დაბალანსებული, არომატული პორტერი მივიღეთ,” - აცხადებს ბატონი ტრიფარი.
© ღვინის კლუბი/Weekend