საჭირო მასალა: 2 თავი ხახვი, 250 გ სტაფილო, 1 ცალი ცხარე წითელი წიწაკა, 200 გ მოხარშული ან დაკონსერვებული სიმინდი, 200 გ ტალიატელე ან სხვა ტიპის პასტა, 4 ს.კ. ზეითუნის ზეთი, 1 კბილი დაჭყლეტილი ნიორი, დარიჩინი, მარილი, მწვანილი – გემოვნებით.
მომზადება: სტაფილო მსხვილად, ხახვი და წიწაკა წვრილად დავკეპოთ. დაკონსერვებული სიმინდი გადავწუროთ. ტალიატელე მოვხარშოთ ადუღებულ მარილიან წყალში და გადავწუროთ. ტაფაზე დავასხათ ზეთი და დავდგათ ცეცხლზე, დავუმატოთ დაჭრილი სტაფილო, ხახვი, წიწაკა და ნიორი. მოვშუშოთ, დავუმატოთ სანელებლები, დაჭრილი მწვანილი და გადმოვდგათ ცეცხლიდან. მოხარშულ ტალიატელეში ავურიოთ მოშუშული ბოსტნეული, დავასხათ 1-2 ს.კ. პასტის ნახარში და სურვილისამებრ მოვაყაროთ ცოტა დარიჩინი.
© ღვინის კლუბი/Weekend