საჭირო მასალა: 300 გ ლობიო, 300 გ ცხვრის ხორცი, 500 გ პამიდორი, 2 ხახვი, 5 კბილი ნიორი, 1 კონა ქინძი და ოხრახუში, მარილი, პილპილი გემოვნებით, ზეთი შესაწვავად.
მომზადება: ლობიო 8-10 საათით ჩავალბოთ ცივ წყალში. მოზრდილ ნაჭრებად დაჭრილი ხორცი შევწვათ ზეთში, დავამატოთ კანგაცლილი დაჭყლეტილი პამიდორი, წვრილად დაჭრილი ხახვი, ნიორი და ვშუშოთ 30 წუთის განმავლობაში. დავუმატოთ დამბალი ლობიო და ვხარშოთ მომზადებამდე. ყველაზე ბოლოს დავაყაროთ დაჭრილი მწვანილი. შესაძლებელია გამოვიყენოთ დაკონსერვებული ლობიო, მაგრამ ქვაბში ჩავამატოთ მწვანილამდე.
© ღვინის კლუბი/Weekend