37.00 ლარი
ევროპულად დაყენებული ქისი საკმაოდ იშვიათი გახდა ქართულ ბაზარზე. მხოლოდ "ქინძმარაულის მარნის" რამდენიმე წლის წინანდელი ქისი მახსენდება, დანარჩენები თითქმის ყველა ტრადიციული კახური მეთოდით იყო დაყენებული. ეს კლასიკური მეთოდით დაწურული ქისი ჩალისფერია და ძალიან სასიამოვნო პირველი სურნელებით გამოირჩევა. ხაზგასმით იგრძნობთ მცენარეულ ტონებს, პირველ რიგში კი ცერეცოს და სალბს (შალფეი), მოგვიანებით კი ხილის სურნელებიც ჩნდება. საკმაოდ ხანგრძლივი დაბოლოება ახასიათებს, კარგი მისაყოლებელი იქნება სოკოს ან ციტრუსიან სალათებთან, ასევე სხვადასხვანაირ სტარტერთან, სუნელებში დაბუღულ თევზთან.
© vinoge.com