საჭირო მასალა: 1,5 კგ ქათამი, 100 გ ბეკონი ან სალა, 50 გ კარაქი, 1 ჭიქა ნაღები, 2 თავი ნიორი, მარილი, წიწაკა, პაპრიკა – გემოვნებით.
მომზადება: ქათამი გავრეცხოთ და ხელსაწმენდით გავამშრალოთ. სალა პატარა კუბიკებად დავჭრათ, დავყაროთ ცხელ ტაფაზე და დავბრაწოთ, დავუმატოთ კარაქი. ამოვიღოთ შემწვარი სალა, ზედ მოვათავსოთ მარილმოყრილი ქათამი და შევწვათ. ქათამი ამოვიღოთ. ტაფაში ჩავასხათ ნაღები და მოვურიოთ. მოვაყაროთ მარილი და წიწაკა. შემწვარი ქათამი მოვათავსოთ ფორმაში, მოვასხათ მომზადებული სოუსი და ზემოდან დავაყაროთ წვრილად დაჭრილი ნიორი. აქვე შეგვიძლია დავუმატოთ შემწვარი სალაც. მოვაყაროთ პაპრიკა, გადავაკრათ ფოლგა და შევდგათ 190-200 გრადუსზე გახურებულ ღუმელში დაახლოებით 50 წუთით.
© ღვინის კლუბი/Weekend