25.70 ლარი
ეს ნახევრადტკბილი ღვინო ალექსანდროულისა და მუჯურეთულის ჯიშის ყურძნიდან მზადდება, რომელიც ხვანჭკარის მიკროზონაშია მოყვანილი. ძალიან კარგი გარეგნობის ღვინოა, ლალისფერი, კიდეებში უმცირესი იასამნისფერი რკალით. ძალზე ეფექტური სურნელი აქვს, სადაც პირველ რიგში ყვავილების, შინდის მურაბისა და ხენდროს ტონები იკვეთება. ასევე მცირედი ტკბილი სუნელები. კარგი მისაყოლებელია ჯემიან ნამცხვრებთან, ხილთან, ნაყინთან.
2012 წლის სექტემბრის დახასიათება
ძალიან ნაზი და სასიამოვნო ხვანჭკარაა, ერთ-ერთი საუკეთესო დღევანდელ ხვანჭკარებს შორის. მკრთალი ლალისფერია, ძოწისფერი რკალით. ძალიან მწიფე წითელი ქლიავის, დაშაქრული წითელი მოცხარის, ტკბილი სუნელების უდახვეწილესი სურნელებით ხასიათდება. ხანგრძლივი დაბოლოება აქვს, სადაც ბაღის ყვავილების არომატსაც იგრძნობთ. შესანიშნავი ნახევრადტკბილი ღვინოა, რომელიც ძალიან მოეწონებათ ასეთი ღვინოების გულშემატკივრებს. მიაყოლეთ დესერტებს, ხილის ჟელეებს, მსუბუქ ნამცხვრებს.
© ღვინის კლუბი/Weekend