ახლახან ბარსელონაში რესტორნების გზამკვლევის - მიშლენის ესპანეთისა და პორტუგალიის გიდის პრეზენტაცია ჩატარდა. გამოცემის 2012 წლის ვერსიაში ესპანეთს ორი სამვარსკვლავიანი რესტორანი გამოაკლდა. დახურვის გამო საუკეთესოთა სიაში ვეღარ მოხვდა ფერან ადრიას ლეგენდარული რესტორანიEl Bulli.ბარსელონაში მდებარე რესტორან Can Fabes-ს კი შეფმზარეულ სანტი სანტამარიას გარდაცვალების შემდეგ ერთი ვარსკვლავი ჩამოაკლდა. წელს სამვარსკვლავიან რესტორნებს შორის ახალი სახელები არ გამოჩენილა. მიუხედავად ამისა, გასულ წელთან შედარებით, ესპანეთის უკვე ცნობილმა რესტორნებმა მთლიანობაში თექვსმეტი ვარსკვლავი შეიმატეს. მიშლენის ახალ გამოცემაში შევიდა პორტუგალიის 12 რესტორანიც, მათ შორის ორმა (Ocean და Vila Joya Vila)ორვარსკვლავოსანის საპატიო ტიტული წელს პირველად დაიმსახურა.
© ღვინის კლუბი/Weekend