დიდი ბრიტანეთი ცნობილია თავისი ალკოჰოლური ტრადიციებით. უბრალო მოქალაქეებს ალკოჰოლის სიყვარულში არც ხალხის რჩეულნი ჩამორჩებიან, ხშირ შემთხვევაში კი აჭარბებენ კიდეც. ამ საკითხით ბრიტანეთის კონსერვატიული პარტიის წევრი სარა უილასტონი დაინტერესდა. მისი განცხადებით, ბრიტანელი დეპუტატები ალკოჰოლისადმი განსაკუთრებული ლტოლვით გამოირჩევიან და ამაში დამნაშავე სხვადასხვა ღონისძიებაზე უხვად შეთავაზებული უფასო სასმელია. უოლასტონი პროფესიით ექიმია, სასამართლო სამედიცინო ექსპერტად მუშაობს და საქმიანობიდან გამომდინარე, ალკოჰოლის მიმართ კრიტიკული დამოკიდებულება აქვს. მას სურს, რომ პარლამენტარებმა მეტი ყურადღება მიაქციონ ამ პრობლემას და მის გადასაჭრელად რამე მოიმოქმედონ. უოლასტონის აზრით, საჭიროა განისაზღვროს ალკოჰოლის ის დოზა, რომლის მიღებაც დეპუტატებისთვის დაშვებული იქნება სამუშაო საათებში. ქვეყნის მთავრობამ, რომელიც ანტიალკოჰოლურ კამპანიაზე მუშაობს, პირევლ რიგში თავად უნდა უჩვენოს მაგალითი რიგით მოქალაქეებს - აცხადებს უოლასტონი.
© ღვინის კლუბი/Weekend