17-18, 24-25 და 28 სექტემბერს ჩეხეთში, წმინდა ვაცლავის ვენახების ტერიტორიაზე ყურძნის მოსავლის აღების დღესასწაულს აღნიშნავენ. ვენახების გარშემო სახალხო სეირნობა იმართება, იმპროვიზებულ ბაზრობაზე კი ახალგაზრდა ღვინო – ბურჩაკი – და ჩეხური სამზარეულოს ტრადიციული კერძები იყიდება. ზეიმის მონაწილეებს საშუალება ეძლევათ დაათვალიერონ ღვინის წარმოებისთვის საჭირო ძველი ჩეხური ინსტრუმენტების გამოფენა და გაეცნონ მათი მუშაობის პრინციპებს. დღესასწაულის ღონისძიებების ჩამონათვალში, რაღა თქმა უნდა, ბოჰემიასა და მორავიაში დაწურული ღვინოების პრეზენტაცია და დეგუსტაციაც შედის.
დღესდღეობით ჩეხეთში ვენახები 12 ათას ჰექტარზეა გაშენებული, თუმცა უახლოეს მომავალში ქვეყნის სოფლის მეურნეობის სამინისტროს ვენახების ფართობის გაორმაგება აქვს გადაწყვეტილი. მეღვინეობა ჩეხეთის ერთ-ერთ პრიორიტეტულ და პერსპექტიულ დარგად ითვლება, მთავრობაში კი თვლიან, რომ ქვეყნის ევროკავშირში შესვლის შემდეგ ამ სფეროს განვითარებასა და გაფართოებას უფრო მეტი დივიდენდის მოტანა შეეძლება.
©ღვინის კლუბი/vinoge.com