საჭირო მასალა: 800 გ ფენოვანი ცომი, 1 კგ სოკო, 1 ს.კ. ზეითუნის ზეთი, 2-3 ღერი პრასა, 2 კბილი ნიორი, 3 ს.კ. წვრილად დაჭრილი ტარხუნა, 3 ს.კ. არაჟანი, 200 გ. დაფხვნილი ფეტა ან ნაკლებად მარილიანი იმერული ყველი, 1 კვერცხის გული, მარილი, წიწაკა - გემვნებით.
მომზადება: ცომი გავაბრტყელოთ და დავჭრათ 8 ნაჭრად. ცომის ნაპირები ჩანგლით გავაბრტყელოთ და წავუსვათ გათქვეფილი კვერცხის გული. დაჭრილი ცომი ცოტა ხნით შევაწყოთ მაცივარში. ტაფაზე გავადნოთ კარაქი და ზეთი, დავაყაროთ მსხვილად დაჭრილი პრასა, ნიორი და 2 წუთის შემდეგ დავამატოთ სოკო. დაახლოებით 7-8 წუთის შემდეგ სოკო წვენს გაუშვებს. ტაფა გადმოვდგათ ცეცხლიდან და ბოსტნეული გადავწუროთ, შევურიოთ დაჭრილი ტარხუნა, არაჟანი და სანელებლები. ცომი გამოვიღოთ მაცივრიდან, ზედ გადავანაწილოთ გულსართი, ფეტას ნაჭრები და გამოვაცხოთ წინასწარ 200 გრადუსზე გახურებულ ღუმელში.
© ღვინის კლუბი/Weekend