ამერიკის შეერთებული შტატების სოფლის მეურნეობის სამინისტროს მონაცემებით, 2011 წელს ახალ ზელანდიაში 305 ათასი ტონა ყურძნის მოსავალი მიიღეს, რაც გასულ წელთან შედარებით 15%-ით მეტია. ქვეყანაში ღვინის წარმოება 2011 წელს 14%-ით გაიზრდება და რეკორდულ ნიშნულს – 216,5 მილიონ ლიტრს მიაღწევს.
ახალზელანდიური ღვინის წარმოება საკმაოდ სწრაფი ტემპებით ვითარდება – ვენახების ფართობი ბოლო ათწლეულის განმავლობაში თითქმის სამჯერ – 33,4 ათას ჰექტრამდე გაიზარდა. ღვინის ექსპორტმა, თანხობრივი თვალსაზრისით, ცხრაჯერ იმატა და 788 მილიონი დოლარი შეადგინა. 2009 წელს ახალზელანდიური ღვინის ექსპორტი 30%-ით, ხოლო 2010 წელს კი – 22%-ით გაიზარდა. ახალზელანდიური ღვინის გასაღების ძირითადი ბაზრებია: დიდი ბრიტანეთი, ავსტრალია, ამერიკის შეერთებული შტატები და კანადა.
© ღვინის კლუბი/Weekend