კალიფორნიულმა საინვესტიციო ჯგუფმა Terroir Capital სამხრეთ აფრიკის რესპუბლიკის რეგიონ სტელენბოშში განლაგებული ღვინის საწარმო Mulderboschშეიძინა. მიუხედავად იმისა, რომ ამ გარიგების საფასური არ ხმაურდება, ამერიკელმა ინვესტორებმა განაცხადეს, რომ ეს მათთვის მეტად მომგებიანი დაბანდებაა, თუმცა ეს არ ნიშნავს საზღვარგარეთული კაპიტალის ექსპანსიას. ამერიკული საინვესტიციო ჯგუფი საერთო ინტერესებით სარგებლობს და სპეციალისტებს სამუშაო ადგილებს უნარჩუნებს. გარდა ამისა, Terroir Capital-ის მხარდაჭერით რეგიონში განვითარდება ტურისტული მარშრუტები, ღვინის ტურიზმი, აშენდება სასტუმროები, რესტორნები. Terroir Capital-მა შეიძინა ვენახები, ქარხანა, ბრენდის სახელი, რომელიც მაღალი ხარისხითა და მისაღები ფასით არის ცნობილი. ღვინის ბაზრის ექსპერტები ირწმუნებიან, რომ მომავალი სწორედ საშუალო ფასზე ორიენტირებულ სეგმენტს ეკუთვნის, სამხრეთ აფრიკის რესპუბლიკაში კი ყველა პირობაა შექმნილი ასეთი პროდუქციის საწარმოებლად.
© ღვინის კლუბი/Weekend