საჭირო მასალა:2 ნაჭერი თეთრი პური, 1 თავი ხახვი, 4 კბილი ნიორი, 2 ს.კ. ზეთი, 4 ცალი ნუში, 2 ს.კ. ჩილის საწებელი, 1 ს.კ. თეთრი მშრალი ღვინო, 3 ს.კ. თევზის ბულიონი, 1 კონა ოხრახუში, 20 ცალი მოხარშული კრევეტი, მარილი - გემოვნებით. რამდენიმე ნუში - ზემოდან მოსაყრელად.
მომზადება:წვრილად დაჭრილი ნიორი და ხახვი ავურიოთ პატარა ნაჭრებად დაჭრილ პურს და ზეთში შევბრაწოთ. 3-4 წუთის შემდეგ დავუმატოთ ღვინო, თევზის ბულიონი, ნუში, ჩილის საწებელი და კიდევ ხუთი წუთი ვხარშოთ. მიღებული მასა დავჭყლიტოთ ან ავთქვიფოთ ბლენდერში და შევურიოთ ცოტა დაჭრილი ოხრახუში. საწებელი ჩავასხათ ცეცლხგამძლე ჭურჭელში, შიგ ჩავაწყოთ კრევეტები, მოვაყაროთ მარილი და პილპილი, ზემოდან მოვაყაროთ ნუში და ოხრახუში. კრევეტები შევდგათ ღუმელში 180 გრადუს ტემპერატურაზე 25 წუთით.
© ღვინის კლუბი/Weekend