ეს ქართული ცქრიალა ღვინო ქართლის რეგიონში მოკრეფილი ჩინურიდან, პინო ბლანიდან და გორული მწვანედანაა დაყენებული. ღვინო ჩალისფერია, მომწვანო და ოქროსფერი ელფერით. იგი უკვე სამი წლისაა და კარგად აქვს განვითარებული დაძველების ტონებიც, სადაც ირისისა და მოხარშული კრემის მოტკბო სურნელები გამოდის წინა პლანზე. ეს გემოები დაგემოვნებისას კიდევ უფრო ხანგრძლივდება. ბრუტი Cuvée Margot ძალზე სასიამოვნო და ხანგრძლივი ცქრიალით ხასიათდება. იდეალური აპერიტივი იქნება, ასევე მიაყოლეთ ხიზილალას და გამოყვანილ ორაგულს.
© ღვინის კლუბი/“Weekend“