საჭირო მასალა:150-200 გ. კარაქი, 3 კვერცხი, 80 გ. მდნარი ყველი, 200 გ. ხაჭო, 300 გ. შაქარი, 350-400 გ. ფქვილი, 0,5 ჭიქა ქიშმიში, 150 მლ. რძე, დანის წვერით ვანილი და ლიმონის ცედრა. 1/2 ჩ.კ. სოდა.
მომზადება: ყველი დავჭრათ, ჩავყაროთ პატარა ქვაბში, დავასხათ რძე და დაბალცეცხლზე დავდგათ, თან ვურიოთ. როდესაც ყველი გაიხსნება რძეში, გადმოვდგათ და გავთქვიფოთ. სანამ რძე გაცივდება, დარბილებული კარაქი, შაქარი და კვერცხი კარგად შევათქვიფოთ ერთმანეთს, შემდეგ დავუმატოთ ხაჭო, შეგრილებული ყველისა და რძის მასა, ვანილი, ლიმონის ცედრა, ფქვილში არეული სოდა და ქიშმიში. ცომი ჩავდოთ ცხიმწასმულ და ფქვილ მოყრილ ფორმაში და შევდგათ საშუალოდ გახურებულ ღუმელში. ცომი კარგად რომ აიწევს და ფერს შეიცვლის, ცეცხლს ცოტა დავუწიოთ. გამომცხვარ კექსს მოვაყაროთ შაქრის პუდრა.
© ღვინის კლუბი/“Weekend“
