ნიუ-იორკში 18 დეკემბერს საფერავისა და ქარვისფერი ღვინის პირველი გრანდიოზული დეგუსტაცია გაიმართა Chama Mama-ში. ღონისძიებაზე 10 სადეგუსტაციო დახლი იყო, სადაც მეღვინეებმა წარმოადგინეს საფერავისა და ქარვისფერი ღვინის ნიმუშები. ინფორმაცია Yahoo-მ გაავრცელა: “დეგუსტაციაზე საფერავის კაშკაშა ღვინის მრავალფეროვნებას აღმოაჩენთ, რომლებიც უჟანგავი ფოლადის ავზში, მუხის კასრში ან ქვევრშია დავარგებული. იქნება საინტერესო ქარვისფერი ღვინის კომბინაციებიც და ავთენტური, ქართული სამზარეულოს უგემრიელესი კერძები, რომელთან ერთადაც უფრო უკეთ წარმოჩინდება ქართულ ღვინის არომატები, გემური თვისებები და უნიკალურობა” - წერს ავტორი. დეგუსტაციაზე იყვნენ ღვინის ექსპერტები, სომელიეები, ქართველი ღვინის მცოდნეებიც.
ღონისძიებას ღვინის პროფესიონალები, კომერციული და მედია სექტორის წარმომადგენლები, ჯამში, 200-მდე სტუმარი დაესწრო. მონაწილეებმა ქართული ღვინთან ერთად ქართული კერძებიც დააგემოვნეს, მეღვინეებმა კი სტუმრებს როგორც ქართული ვაზის ჯიშების, ასევე საქართველოსა და ქართული მეღვინეობის მრავალსაუკუნოვანი ისტორიისა და კულტურის შესახებ გააცნეს ინფორმაცია, რაც განსაკუთრებით მნიშვნელოვანია ცნობადობისა და გაყიდვების ზრდისთვის ქართული ღვინის ერთ-ერთ სტრატეგიულ, ამერიკის შეერთებული შტატების ბაზარზე.
Saperica, Inc. არაკომერციული ორგანიზაციაა, რომელიც 2022 წელს, აშშ-შიდაარსდა Saperica- ს მისიაა საფერავისა და სხვა ქართული ვაზის ჯიშების პოპულარიზაცია ქართულ გასტრონომიასთან და კულტურასთან ერთად Finger Lakes-ში, ნიუ-იორკსა და მთელს აშშ-ში, რეგიონებს შორის საგანმანათლებლო სემინარებისა და გაცვლითი პროგრამების ორგანიზებითა და ხელშეწყობა ღვინისა და კულინარიის პროფესიონალებისა და ენთუზიასტებისთვის.
© ღვინის კლუბი/vinoge.com