ბანანისა და ხაჭოს პუდინგი

საჭირო მასალა: 60 გ ნატურალური იოგურტი ან არაჟანი, 120 გ შაქარი, 100 გ ხაჭო, 1 ცალი ჩანგლით დაჭყლეტილი ბანანი, 15 გ გამაფხვიერებელი ფხვნილი, 140 გ ფქვილი, 1 ცალი კვერცხი, 3 ცალი დაჭრილი ქლიავი, 1 ს.კ. კარაქი ფორმების გასაპოხად

მომზადება: ხაჭო და იოგურტი კარგად ავურიოთ, დავუმატოთ დაჭყლეტილი ბანანი და შაქარი. შევათქვიფოთ კვერცხი, ფქვილი და გამაფხვიერებელი ფხვნილი. პატარა საცხობ ფორმებს წავუსვათ ცხიმი, ძირში მოვათავსოთ ქლიავი, ზემოდან გადავანაწილოთ ცომი და 180 გრადუსზე გახურებულ ღუმელში 40 წუთი ვაცხოთ. 3 წუთი გავაჩეროთ ფორმაში და შემდეგ გადმოვიღოთ თეფშზე.

© ღვინის კლუბი/Weekend