ინდური სამოსა

საჭირო მასალა: 5 ცალი კარტოფილი, 3 კბილი ნიორი, 30 გ ჯანჯაფილი, 1 კონა ქინძი, 30 გ მიწის თხილი, 2 ს.კ. ზეთი, 1 ჩ.კ. ძირა, 1 ჩ.კ. კურკუმა, 1 ჩ.კ. ხმელი ქინძი, 1,2 ჩ.კ. წიწაკა, 1/2 ლიმონი ან ლაიმი, 600 მლ ზეთი ფრიტიურისათვის, მარილი გემოვნებით. ცომისათვის – 2-2.5 ჭიქა ფქვილი, 4 ს.კ. ზეთი, 1 ჩ.კ. მარილი, დაახლოებით 0.5 ჭიქა წყალი.

მომზადება: მარილი, ზეთი და ფქვილი მოვსრისოთ ხელით, თანდათანობით ვამატოთ წყალი და მოვზილოთ ცომი. გავხვიოთ ცელოფანში და 20 წუთით გავაჩეროთ მაცივარში. მიწის თხილი დავჭრათ შუაზე, ქინძი დავკეპოთ, ნიორი და ჯანჯაფილი დავნაყოთ. კარტოფილი მოვხარშოთ და დავჭრათ პატარა ნაჭრებად. გავაცხელოთ ტაფა, დავასხათ ზეთი, დავამატოთ ძირა, კურკუმა, ხმელი ქინძი, წიწაკა და 1/4 ჭიქა წყალი. როცა წამოდუღდება, დავამატოთ მიწის თხილი, 1 წუთის შემდეგ დავამატოთ ქინძი, კარტოფილი, მარილი, ავურიოთ, გამოვრთოთ ცეცხლი და ვაპკუროთ ლაიმის ან ლიმონის წვენი. ცომი დავჭრათ მომცრო ბურთულებად და გავაბრტყელოთ ოვალის ფორმით (დაახლოებით 18 სმ X 20 სმ). ცენტრში მოვათავსოთ კარტოფილისა და მიწის თხილის გულსართი, შევკრათ სამკუთხედი ღვეზლის სახით და შევწვათ მდუღარე ფრიტიურში. შემწვარი სამოსები დავაწყოთ ქაღალდის ხელსაწმენდზე ზედმეტი ცხიმის შესაშრობად.

© ღვინის კლუბი/Weekend