გამოქვეყნებულია: 15 ივნისი, 2026 - 20:37
4 ივლისს, 14:00 საათზე, „8000 მოსავალში“ უკვე მერვედ გაიმართება აგრარული უნივერსიტეტის სტუდენტური ღვინოების დეგუსტაცია.
ღონისძიებაზე წარმოდგენილი იქნება 7 სტუდენტური ჯგუფის მიერ შექმნილი 25 სხვადასხვა ღვინო.
თითოეულმა გუნდმა სამი ტიპის ღვინო მოამზადა - ქვევრის, კლასიკური და წითელი, ხოლო ნაწილი დამატებით წარადგენს პეტნატსა და შემაგრებულ ღვინოსაც. სტუდენტები თავად არჩევენ ვაზის ჯიშებსა და ღვინის დაყენების ტექნოლოგიას და სრულად მართავენ პროცესს ვენახიდან ბოთლის ეტიკეტამდე.
დეგუსტაცია მათი მრავალთვიანი შრომის შედეგების საჯარო პრეზენტაციაა და სტუმრებს შესაძლებლობა ექნებათ პირველად აღმოაჩინონ მომავალი მეღვინეების ნამუშევრები, გაეცნონ მათ ისტორიებს და საკუთარი შეფასებებიც გაუზიარონ.
© ღვინის კლუბი/vinoge.com
ბეჭდვა
თქვენი კომენტარი