რამდენიმე წლის წინ ქალაქ ეფესოში (თურქეთი) ჩატარებული არქეოლოგიური გათხრებისას გლადიატორთა საფლავები აღმოჩნდა. მეცნიერებმა დაადგინეს, რომ ჩვ. წ. აღ-მდე III-II საუკუნეებში რომაელი გლადიატორები ძირითადად ვეგეტარიანელები იყვნენ. ისინი მარცვლეულით, ბოსტნეულითა და ძირნაყოფა მცენარეებით იკვებებოდნენ. მკვლევარებმა გლადიატორთა და იმავე პერიოდში იმავე ადგილას მცხოვრები ჩვეულებრივი ადამიანების ძვლები ერთმანეთს შეადარეს და დაადგინეს, რომ გლადიატორების ორგანიზმი საოცრად დიდი რაოდენობით კალციუმსა და მაგნიუმს შეიცავდა. მომდევნო კვლევისას კი ისიც გაირკვა, რომ ვარჯიშის შემდეგ გლადიატორები სვამდნენ ეგრეთ წოდებულ “სპორტულ სასმელს”, რომელიც ნაცრისაგან მზადდებოდა. ნაცარი კონცენტრირებული სახით შეიცავს იმ მიკროელემენტებს, რომლებიც კუნთების ზრდასა და ძვლების სიმაგრეს უწყობს ხელს.
© ღვინის კლუბი /Weekend
ბეჭდვა
თქვენი კომენტარი