– როდის გადაწყვიტეთ მარნის დაარსება და რა იყო ამის მიზეზი?
– მარანი 2015 წელს დავაარსეთ, მიზეზი - ქართული საქმის კეთება.
– ვაზის რომელი ჯიშები გაქვთ გაშენებული და კიდევ რომელ ჯიშებზე აპირებთ ყურადღების გამახვილებას?
– გაშენებული გვაქვს: ციცქა, ცოლიკაური, კრახუნა, ოცხანური საფერე, ალადასტური, ალექსანდროული, რქაწითელი, საფერავი. მომავალში დავიმატებთ ძელშავს, ჩხავერს, მგალობლიშვილს სხვა იშვიათ ჯიშებს.
– რა ღვინოებს აწარმოებთ და რითაა გამორჩეული თქვენი ღვინო?
– ვაწარმოებთ შემდეგ ღინოებს: ოცხანური საფერე, ალექსანდროული, ალადასტური, საფერავი, ციცქა-ცოლიკოური, კრახუნა, ცოლიკოური, რქაწითელი. ჩვენი ღვინოები დაყენებულია ქართული ტრადიციული მეთოდით ქვევრებში და აქცენტი გვაქვს ხარისხზე.
– გაიხსენეთ საქართველოში ღვინის გაყიდვის თქვენი პირველი გამოცდილება, რომელ მაღაზიებთან გქონდათ ურთიერთობა?
– პირველად ღვინის მაღაზიაში "8000 მოსავალი" შევიტანეთ. შემდეგ უკვე სხვა მაღაზიებსა და ღვინის ბარ-რესტორნებში.
– გადის თუ არა თქვენი ღვინო უცხოეთის ბაზარზე?
– დიახ, 2 ქვეყანაში გავაკეთეთ ექსპორტი.
– რა სახის სირთულეები შეგხვედრიათ თქვენს საქმიანობაში? რა უნდა დაიხვეწოს ყველაზე მეტად ღვინის სფეროში?
– ვფიქრობ, მეტი ყურადღებაა საჭირო იშვიათი ჯიშების ყურძნის მოძიებისთვის, ასევე მნიშვნელოვანი ღვინოსთან დაკავშირებული ცოდნის ამაღლება, კადრების სწავლა-ტრეინინგები.
– თქვენი აზრით, რა არის ყველაზე მნიშვნელოვანი ფაქტორები თანამედროვე ქართული ღვინის კულტურის განვითარებისთვის?
– გლეხების დაინტერესება ხარისხიანი ყურძნის მიღებისთვის (არა სუბსიდირება) არის მნიშვნელოვანი და სახელმწიფო პროგრამები საზოგადოებისთვის ღვინის მეტად დაფასებისთვის.
– რას ურჩევდით დამწყებ მევენახე–მეღვინეებს?
– დამწყებ მეღვინეებს ვურჩევდი გააშენონ და აღადგინონ ქართული ძველი ყურძნის ჯიშები, რომელიც დაკარგვის პირას არის. ღვინის დაყენების პროცესში მეტი ჰიგიენა და სისუფთავე დაიცვან თავისივე ღვინის ხარისხის მისაღებად.
საკონტაქტო ინფორმაცია:
ვარციხის მარანი
მარნის მისამართი: საქართველო, ბაღდათის რაიონი სოფ. ვარციხე
ტელეფონი: +995 599 47 44 57
ელფოსტა: info@vartsikhe.com
ვებ/ფეისბუკ გვერდი: http://vartsikhe.com
facebook Vartsikhe Marani
© საქართველოს ღვინის კლუბი, ღვინის ეროვნული სააგენტო, ღვინის საინფორმაციო ცენტრი 2017
ბეჭდვა
თქვენი კომენტარი