არაყი მობილურ ტელეფონში

ცნობილი ბრენდების (Guinness, Dom Perignon, Johnnie Walker, Tanqueray, Baileys და Jose Cuervo) მფლობელმა კომპანია Diageo-მ შექმნა მობილური ტელეფონის სერვისი არაყი Smirnoff-ის პოპულარიზაციისათვის.

მობილური პროგრამა Smirnoff, რომელიც შეიმუშავა ციფრულმა სააგენტო AKQA-მ, წარმოადგენს "ჯიბის ცნობარს" არყის მოყვარულთათვის. საიტი Smirnoff.mobi გთავაზობთ ინფორმაციას, თუ სად შეიძლება გაატაროთ სასიამოვნო საღამო, აგრეთვე, ბევრ საინტერესო ისტორიას არყისა და მისი მოხმარების შესახებ.

ისიც უნდა აღინიშნოს, რომ საიტზე წარმოდგენილია გაფრთხილება ზედმეტი ალკოჰოლის მიღებისაგან თავის დასაცავად, სპეციალური "სასარგებლო რჩევების" გვერდი კი გთავაზობთ, თუ როგორ შეიძლება იმხიარულოთ "გართულებების" გარეშე.

© „მარანი“