გამოქვეყნებულია: 29 ივლისი, 2013 - 22:10
კიდევ ერთი ახალი ღვინის კომპანიის ახალი წინანდალი გამოჩნდა დახლებზე, ტრადიციულად, რქაწითლიდან და მწვანე კახურიდან დაყენებული. ჩალისფერი ღვინოა, მცენარეული და მცირედი მუხის ტონებით. დაგემოვნებისას ღვინოში ჩნდება ლექზე დავარგების შემდეგ წარმოქმნილი რბილი და სასიამოვნო არომატები, მაგალითად ბისკვიტი, მსუბუქი ნამცხვრები. საკმაოდ მაღალმჟავიანი, ხალისიანი ღვინოა, რომელიც ბევრ კერძს მოიხდენს, მწვანე სალათებით დაწყებული, ხორციანი სალათებით და შემწვარი თევზით დასრულებული.
© ღვინის კლუბი/vinoge.com
თემა:
ბეჭდვა
თქვენი კომენტარი